Kinn kommune skal være ein lærande organisasjon. I dette ligg det at ein stadig er i utvikling og stadig søkjer ny kompetanse og kunnskap.
Skal kommunen vera ein lærande organisasjon må ein:
– Dokumentere den praksisen ein ynskjer
– Registrere og evaluere praksisen etter kvart både ved avviksmelding og “suksessmelding”
– Med jamne mellomrom gå gjennom og sjå på praksis og dokumentasjon
– Søkje og nytte ny praksis og kunnskap
Tilsette og føresette til barn og unge får kompetanse på ulike arenaer i kommunen
Føresette
Ulike tenester i kommunen når foreldra og føresette på ulike vis. Dette kan vere via svangerskapskurs, barselgrupper, foreldrerettleiing, foreldremøte og samtaler i regi av barnehage og skule. Målet her er å støtte foreldra og føresette ved å gje tilbod om rettleiing og/eller informasjon for best mogeleg ivaretaking av barn og unge.
Kommunen har ulike tiltak som hjelp og støtte til barn, ungdom eller føresette.
Informasjon om desse finn du på BTI-nettsida.
Tilsette
Tilsette får kompetansehevinga si gjennom arbeidsgjevar, i form av kurs, nettverksarbeid, satsingar og videreutdanningar. Kva kompetanse som vert tilbode, skal ha samanheng med kva behov arbeidsgjevar Kinn har. Dette behovet skal samsvare med det behovet som brukaren i kommunen har.
Kompetanseheving vert til dømes gjort på planleggingsdagar, i personalmøte, i tenesteleiarmøte og i bruk av planleggingstid i barnehagar og skular.